Home » All Poetry, Sad Poetry

mujey dariya nahi likna

Written By:  on December 29, 2011 2 Comments

Your Name: sania naz

Mujhe darya nahi likhna mujhe sehra nahi likhna
Tasalsul se safar main hon mujhe thehra nahi likhna

Purane rabton ki rakhh ab tak dil main baqi hai
Meri jalti hatheli par nya wada nahi likhna

Ana se jeet kar usko agar jo main ne khoya hai
Mera noha nahi likhna mera naghma nahi likhna

Bisat-e-zindagi ki aakhri sarhad pe khari hon
Mujhe fateh nahi likhna mujhe muhra nahi likhna

Tumhrai aankh main gar main kabhi chup chap jal joan
Tum apni aankhon main lekin mera sadma nahi likhna

Gawahi apne dil se lo tumhara dil kia kehta hai
Mujhe jhota nahi likhna mujhe saccha nahi likhna

Main uski yad main gum hon ke apne aap main gum hon
Mujhe mehfil nahi likhna mujhe tanha nahi likhna

Main apnay lafzon se shuhrat tumhain de jaongi ik din
Mujhe mash-hoor na karna mera charcha nahi likhna

Ye na ho tum kabhi usko mitana chaho…na mitte
Mujhe apna samjh lena magar apna nahi likhna

Meri aankhon main batain hain magar chehre pe gehri chup
Meri aankhain to likh dena mera chehra nahi likhna

Kahin aisa na meri kasak us dil main reh jae
Mera dukh dard likh dena magar gehra nahi likhna….!
N@z

Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

2 Responses to “mujey dariya nahi likna”

  1. admin on: 29 December 2011 at 12:33 am

    nice yar sania buhat khoob

    • sania naz on: 29 December 2011 at 12:39 am

      thanx jus a little try from me 🙂

Comments Here:

  Copyright ©2011 Online Poetry | English And Urdu Poetry, All rights reserved.| Powered by www.poetry.apnistudy.com| A Small Gift To my Friend Erma